ودي أضمك لين تصبحين على خير ؛؛ ياحبيبتي

اذهب الى الأسفل

ودي أضمك لين تصبحين على خير ؛؛ ياحبيبتي

مُساهمة  night boy في الإثنين نوفمبر 12, 2007 8:11 am

(ودي أضمك لين تصبحين على خير)

أفتحي شبابيك الهوى جيتـك اليـوم ... بحساس من زود الوله وده يطيـر
جيتك مثل طفلن له ايـام محـروم ...عن حضن امـه بعدتـه المقاديـر
وجيتك مثل عودن له ايام مهمـوم... وده يلاقـي باخـر الوقـت تقديـر
وجيتك حضن عاشق وهايم ومغروم... وده يضمك لين تصبحين علـى خيـر
متى تحسي ان الهوى شي مقسـوم ...من قسمة الخالق على خلقه يصير
ومتى تحسي اني لك اطيـح واقـوم ...واتعب على شانك واقدرك وآغيـر
لي في هواك احلام وامال وعلـوم ...واحزاب واصحاب وقصيد وجماهير
وهموم وافكار وهواجيس وحلـوم ...وأدروب واخطار وعذاب ومشاويـر
وحب وغلا واخلاص ومعاند ولـوم... واحساس والهام وشعور وتفاكيـر
وصحبة سهر ومقاطعة لذة النـوم... واشواق جياشه وعشـق وتعابيـر
في ذمتك مابان لـك شـي مكتـوم... من بعد ماصورتلك الاوضاع تصوير
لاتحسبي انك شي عابـر ومعـدوم... وتاريخ حبك فـاق كـل الاساطيـر
في كل شي اتخيلك واسمعـك دوم ... واتأملك في الوقـت الأول والأخيـر
من ماضي الأيـام لايومـك اليـوم... وغلاك عندي ماحصل فيـه تغييـر
وانا لك الله مأقبل البيـع والسـوم... ولا ارضى علي ولاعليك المخاسير
لاْني الوحيد اللي على بحرك يعـوم... واللي عرف مرساه في رحلة السير
لحظه حبيبتي قبل يسبقنـي النـوم... بضم صدرك لين تصبحين على خيـر


وســــلامـــتكم ودمـــــتــــم
avatar
night boy

المساهمات : 280
تاريخ التسجيل : 06/11/2007
العمر : 25

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى